10-07-2010, 06:52 PM
|
#1 | |
 
|
في غيبتك حالي تعب
يا ( سيِّدة شعري ) أنا .. قومي إرقصي بين السطور في داخلي شوق / وعذر .. والله يعين المبتلي ..! زعلانه مني ! وتنهدم فيني ملايين القصور لأنك طموحي .. ورغبتي .. وتخطيطي لـ مستقبلي ! " بركان " شعري .. ما هدى وخايف مع المُده يثور ! في غيبتك .. شفتي الشعر وشلون فيني ينغلي ؟ زعلانه أدري .. وضيقتك في داخلك أربع شهور ! وتأكدي إنَّ إزْعَلِك .. هو يُعتَبَر نفس إزعَلي يا زهرةٍ وسط العمر مو مثلَهَا , باقي الزهور يطاوعك قلبك كذا ؟ - عن زارعك ما تسألي ! ما كني إلا لك سما .. وفي هـ الفضا إنتي طيور ! يعني وجودك زينتي .. ولزوم فيني [ تمتلي ] ..! من يوم ما غبتي وأنا : ضايع بلا قلب وشعور ! تايه ولا عندي أمل .. في آخري وفي أولي يا أطهر اللي قابَلَت عيني على مر العصور تعالي عندي وإسكني فيني .. كفى لا ترحلي ! يرضيك أقابل هـ البحر وأرمي من الضيقه صخور ؟ وأذكر سوالفنا بـ وَلَه .. وش قلتلك / وش قلتِلي ! في غيبتك حالي تَعَب ..وصرت ما أحب الظهور ما غير أتمتم في نِدَم : يا وَيْلَ لي يا وَيْلَ لي ! إيه أعترف خنتك , ولكني رغم هذا غيور أرفض تخونيني .. وأدري فيك ما ترضي علي ! شاعر .. وأكتب ما أبي وأقولها في كل غرور إنك تحبيني غصب وسِمْعي الكلام اللي يلي : كان القصايد مطلبك ؟ وهي اللي بتحل الأمور
بكتب قصيده أحلى من .. " صَوتُ صفير البُلبُلي |
|
 
|
|
10-07-2010, 07:07 PM
|
#2 | |
|
[كبآر الشخصيآت في المنتدى]
|
رد: في غيبتك حالي تعب
صح لسانك يا /أبو يحيى
قصيدة في غاية الجمال وأبيات دغدغت مشاعري بما حملت من معان صادقة. أرى فيك شاعر جهبذ يعزف على أوتار من ذهب . تقبل مروري |
|
|
|
|
10-08-2010, 03:27 PM
|
#3 | |
|
رد: في غيبتك حالي تعب
 اخي/ابويحي الله يعطيك العافيه على هذا الطرح الرائع قصيده جميله وكلمات معبره وحروف ذهبيه واحساس راقي ومشاعر مرهفه مبدع يالغلا دام ابداعك وتألقك وتميزك سلمت الايادي وسلم نبض قلبك اختيار موفق ونقل راقي تقبل شكري وتقديري لك خالص ودي وحبي  |
|
التعديل الأخير تم بواسطة ابوعبدالرحمن ; 10-08-2010 الساعة 03:44 PM
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض العادي
