الحب شايب

08-05-2011, 10:01 PM

الحب شايب : والفراق .. ابنـه العـاق !
والـوصل غايه والقصـايد ، وسيـلة

أثر المفـارق لـه علاقه بالاخـلاق !
ويقصـر طويله صـدر راعي الـطويلـة

مافيـه أشـّر من الهـواوي ليا ضـاق
من ضيقـته حتى البـزر ، يشتكي لـه

ياللي غضبت .. وكانت حلـولك .. فراق !
الغيـض ولعـه ، والمجـادل فتيـلة

أبليـس للفتـنه .. وللشـر سبـّاق
يجيـك في صورة .. رذيل و رذيلـة

العيـن ، ما يغـدي بهاا كل برااق
والاذن ، ماكل الحـكي .. ترتخيلـه

راعي الكلام / يـزود الطاق ب الطـاق
يحكي بشخص ، وياصله ويحكي له

خص ٍ ليـا ، صار الحكي بين عشـاق
مـاله سـوا : مالـك دخـل والفشيـله

لـو شفت وش قيمـة غرامـك بالاعمـاق
ماطـعت لـو لامـوك فيني قبيـلـة

مـاهو تضـّيق صدرك ، وتركز السـاق
كـني ، كفـرت وقاتلن . لي قتيلـه

ياللي خـدودك .. قطنه .. وعودك دقـاق
والـوجه يا حلـوه وياحبـني له

عليـك ماضني بتحتـار الاذواق
الا ليـا كانه هبيـل وهبيلـه

صغير وتشيـل حملٍ ، ما ينـطاق
وشـلون عافرت الحمـول الثقيـلة

وأنا احسبنـك طيـّب وقلبـك رقـاق
يامـدّرس ، فنـون القسـاوه لـ جيله

رح والشقـا ، على الهـواجس والاوراق
ياللي عقب فرقـاه شوقـه بديلـة

أشتـاق وأدري ، منت راجـع لـو اشتـاق
ميـر العـوض بالذكريـات الجميـلة

*******
ودي

لكم

</b></i>

08-05-2011, 10:16 PM

اشكرك على الابيات

08-05-2011, 10:31 PM

أخي (( مجنون ميمي ))

بارك الله فيك على الإبداع الرائع قصيدة في منتهــى
الروعة أبيات رائعة وسطور منظمة وحروف ذهبية
سلمت يداك على النقل الرائع والمذهل دمت يا أخـي
مجنون ميمي ودام إبداعـك تقبـل مـروري ولك أجمـل تحياتــي

أخوووك (( أبوغــــــــلااااء ))

08-06-2011, 12:47 AM

يعجز القلم عن كتابة رد لهذه القصيده
العذبه .. الرائعه .. المبدعه.. المتميزه
حقا .. أبدعت كل الإبداع .. إنتقاء روعه
سلمت أناملك الذهبيه
تقبل اعطر وأزكى التحايا القلبيه