03-01-2012, 04:42 PM
|
#1 | |
 
|
فطائر بأشكال جديده:وردات التمر+الدبل رول باللبنة و الزعتر+فطاير الجوري و المزيد
 مما رااق الي واناا اتصفح ويااربي يرووق الكم نبدأ بالشكل الاول طبعاا العجينة هي العجينة الناجحة عندكم  بعد ما تعجني العجينه وتتركيها تخمر زين تقطعي كور بحجم البيضه وتحشيها [ انا هنا حشيتها بحشوة دجاج مسخن ]  بعد كذا ناخذ كورتين صغار  وتبدأي تبرميها لمن تصير عندك اسطوانيه الشكل  بعدين تلفيها على بعض  بعدين تلبسي الكورة الاولى التاج او الطوق اللي عملتيه وتدخليها من تحت الكورة عشان وقت الخبز ما تطلع . تخليها تخمر مره ثانيه وتدهنيها وتدخليها فرن ساخن  وهذا شكلها بعد ما طلعت من الفرن وقدمتها مع عصرة كبيرة من الليمون تذوقي احلى فطائر    نكمل معاكم ~ الشكل الثاني وردات التمر[ واضح انها متوهقه بالاسماء] لذيذه مع القهوه واقرب لها معمول التمر لانها تجهي فيها قرمشه شوي   برضوا اي عجينه ناجحه معاك بعد ما تخمر تكوريها بحجم البيضه وتكوري تمر معجون ببهارات معمول او قرفه او اي نكهه تحبيها بالتمر ,, ويكون حجم التمره اصغر شوي من العجينه مثل مو واضح لكم بالصوره .  نحشي العجينه بكورة التمر ونحاول نخلي العجين حجمه وتوزيعه متساوي على التمر .  ونغلقها زين  بعدين نفردها بالضغط على التمر عشان يتوزع داخل العجينه بشكل متساوي ,, ونحاول نرقق العجينه يعني ما تكون سميكه .  الحين بسكين حاد نقطع اطراف العجينه حتى تتشكل لنا الورده  بعدين نبرم بتلات الورده لفوق مثل الشكل اللي بالصورة  هذا شكلها بعد ما خلصنا  نحطها بصينيه خبز ونخليها تخمر شوي بعدين ندهنها ونرش سمسم او حبة سوداء  وهذا شكلها بعد ما طلعت من الفرن وقدمتها  نكمل يا حلوات ~ رول اللبنه بالزعتر والزيت زيتون حشوة بنتي المفضله وهي اللي حشتها  نفرد العجينه بعد ما تخمر مثل ما تسوي لفائف السينابون  تخلطي لبنة بينار مع زعتر وزيت زيتون وتفرديه على العجينه [ ممكن تستخدمي الحشوة اللي تحبي قرفه , تفاح فواكه مجففه اي شيء]  تفردي الحشوة وتخلي طرف نظيف عشان تلصق العجينه فيه  بعد كذا تلفي العجينه على الى النهايه  وبسكين حاده تقطعي العجينه وتخلي طرف العجينه مو مقطوع يعني بس طرفها اللي تقطعيه  تحاولي تبعدي القطع عن بعض بشكل متخالف وحده يمين ووحده يسار   وكذا شكلها بعد ما نخلص كأنها سنبله قمح   هنا شكلها من قريب  نخليها تخمر شوي وبعدها ندهنها و ندخلها الفرن لمن تستوي ,, وبالعافيه لذيذه مع الشاي    نكمل  هنا عملنا فطائر على شكل ورد الجوري [ مشوها لي ههههههه]  ناخذ عجينه بعد ما تخمر  نفردها الى دائرة كبيرة ونحاول تكون رقيقه شوي,, * انا هنا عملتها اول مره وما رققتها زين انتم حاولو تكون العجينه ارق من كذا ..  نقطعها دوائر  ناخذ 5 حبات ونحطها على بعض وبملعقه خشب نضغط عليها ضغط خفيف من الوسط عشان تمسك بعظها ونحط الحشوة على الطرف  ونبدأ نلفها على بعض الى النهايه  بعد ما كملنا لف الورده زين  بسكين حاده نقطعها الى نصفين من المكان اللي كنا ضاغطينه بالاول  ونحاول نضغط من تحت عشان ما تطلع الحشوة وهذا شكلها ممكن تحطي الحشوة بكورة صغيره وتحطيها بدل قطعة الجبن وتبرميها عادي ..  نرصها بصينيه ونخليها تخمر بعدين ندهنها وندخلها الفرن  هذا شكلها اول ما طلعت مع إضاءة المطبخ  هنا بالاضاءة الصفراء وبالف عافيه يارب .  نكمل  ميني توست  اولا الحشوة كانت جزر مبشور + جبن موزريلا + بهارات + ملح + فلفل اسود  هذا شكل الحشوة  ناخذ كورة بحجم البيضه ونفردها بشكل بيضاوي  نضع الحشوة على طرف العجينه  ونبرمها برمه وحده والطرف نقطعه بشكل مائل  ونلف الطرف على العجينه ونضغط الاطراف عشان الجبنه اذا ساحت ما تطلع برى الفطيره ..  نضعها في قالب الورق  ونخليها الى ان تخمر مره ثانيه وندهنا وندخلها الفرن هذه اختي فديت ايديها سوتها وخلتها على شكل طويل  هذا شكلها بعد ما طلعت من الفرن  ما شاء الله كانها توست ومن جوا كانها اسفنجه استعجلوا علي وما وريتكم شكلها بعد قطتها   هذا الشكل الاخير سويته امس  معليش لكم على التصوير في الوقت الاخير سويته  العجينه بعد ما خمرت  نفردها على شكل مربع وندهن نص المربع بالزبده  بعد كذا نرش القرفه والسكر  من العجله ما طلع الرش مرتب .  نطبقها على بعض ويصير على شكل مستطيل ونحاول نرصها زين  ندهنا بالحليب ونرش سكر اسمر خشن  ونقطعها بالسكين على شكل شرائط  بعدين نبرمها على بعضها  نرصها بالصينيه وندخلها الفرن  شكلها بعد ما طلعت من الفرن  من قريب  نقدمها بعد ما نصب عليها توفي او اي خليط تحبينه ,, ما ينشبع منها .  ويارب يكون الموضوع رااق الكم مثل ماارااق الي دمتم بخير   |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
العرض الشجري
