يابوعلي لي قلب ضايع

مليت من كتابات الشعر اتعبني وزنه وقافه=وخايف استمر واكتب ويجي يوم يفضح الخافي
يابوعلي لي قلب ضايع تكفون بالله من شافه=اذكر اني تركته في الخلا وهو عطشان حافي
تبهذل من سواةالدهر فيه حتى الجسد عافه=لعب فيه الزمان مثل مالعب بشعبه القذافي
وهو كان مخلص وفي وطيب حيل ونادر اوصافه=لكنه صرخ من جور الزمن واناماكنت له وافي
لو مل منهو بالله يلومه لو راح وضاعت اطيافه=اذا كان الحظ مقفي وعلى جال القدر غافي
في ذا الوقت صادق النيه يعيش بديرته آفه=زماننا هذا عز ناس لو شفتها تقول ياكافي
وانا قلبي من ظهرعلى الدنيا مكسور مجدافه=لين صرت من شافني قال اني مغير اوصافي
مل قلبي يردد ياحلاة البير وياحلاة غرافه=كم قد شرب من الحب وغرف من نبعه الدافي
وحبيبي اتعبني بصده وظلمني وضيع انصافه=على قد ماكنت مخلص له قدر ماكان لي جافي
وياما انا غنيت له اغاني وسولفت له سولافه=وياما سريت له بظلام الليل والنور طافي
وغامرت بروحي للخطر مع ان الروح خوافه=وسيرت له كل الجوانح وطوعت له اطرافي
خليته فوق بين السحاب وعليت انا مشرافه=رفعته بين ساطعات النجوم بشكلٍ خرافي
واليوم جا يطلب الفرقى من اجل سبب تافه=الله يرحمك ياقلب وفاك كان ثقلٍ على اكتافي
يابوعلي تكفى دور له معي بالرياض واطرافه=انا والله عجزت القاه ماعليك ياخوي خافي