11-24-2012, 06:01 PM
|
#1 | |
 
|
ياحببيبي لو نسانا الحظَّ في درب الظلام
سَلام الرّحيم يطوّقكم بـ طُهرٍ وَ طمأنينة .   . (منفى الموت) . . وتجهلني الدروب اللي إلى الغربه تودِّين ..................... وأتعثَّر ..أدوَّرني وانا في وحدتي منساي . . رماني الحزْن في صحرا الضياع وقيِّد يْديني ...................مشيت وْصارت اقدامي بترسم عالرمل ذكراي . . غباء.. علَّقت ذنْبي في الفضا فزَّاعه لعيني .................عشان تْسيل يوم اصحى وتنْزفني إلين اقْصاي . . حياتي والعتب انك إلى موتي نفيتيني .................عبث ..كلْ ما أمدّ الصلْح .. لجْلك تكسري يمناي . . ضياع وْخطوتي خطوة مفارق تسبق سْنيني .....................تلف آخر رصيف العمْر تسْحبني إلى مثواي . . انا ..خلف السراب ومابقى شيءٍ يعزِّيني ...................دموعي تسبق حْروفي ..جفاف وْمالقيت الماي . . تهجَّيت الاسامي الراحله مابيني وْبيني ........................مليت آخر حقيبه بالصور تذكار في منفاي . . رسَمْت وْجوه أصحابي ..ولاحدٍ يواسيني ...........................تذكَّرت السنين ..وْما خلعْت الحزْن من دنياي . . بكت ..جدران بيتي ..وانكسر كلِّ الامل فيني ............................تعبت اشكي لجدراني جراحات الوجع وبكاي . . وتعرفني السكيك اللي إلى الغربه تودِّيني .....................واتساقط ...ألملمني ..وانا في وحدتي منساي . ( العمر المتساقط ) . . ياحببيبي لو نسانا الحظَّ في درب الظلام ..........كيف نقتل دربنا ونْسير في باقي السنين . . كانت الاحلام باب وْكانت الدنيا حمام .............وكان ريش العمْر يتْساقط من الحسره حزين . . طار عشَّ الحلم ماعاد الشجَر ينبت سلام ..............يا اراضي الجرح صرنا في دروبك تايهين . . الليالي ضيق وعْيوني حزينه ما تنام ..............من يجي يهدي لضيقي فرحة ٍ أو ياسمين . . في رصيف الذاكره مرَّيت يخْنقني الكلام ..............طاح قلبي تحْت أقدام الوجوه الراحلين . . ياحزن ماتدري إنِّ الضرْب في الميت حرام ............والحرام انك تزيد الضرْب وتْصحِّي الانين . . ( الأماكن ) كيف أغنيها وانا كلي حطام ..............ياكثر ما كنت اغنَّي في شواطي الحالمين . . ذاب في صدري كلام وْسال من صمتي غمام ...............ومابقى غير الحروف اللي بدمِّي لك يقين . . ملَّ عمري يحْسب الخيبات عام ٍ بعْد عام ..............ضايقه وْكلي حزينه .. جرَّح عْيوني الحنين . . ياحبيبي لو نساني الصبح في درب الظلام ..................بشعل ضْلوعي شموع وْبنطرك خلف السنين . . أغنية ذكرى . . ومريتك..سقط حلم السنين وْضاعت اقدامي . . ...................ومات بْداخلي شارع..نسيت ارجع إلى دنياي . . وحيده والشتا ثوبي.. ينام البرد ف عْظامي .......................وانا ارجف حزن .. مديت لكْفوف الوهم يمناي . . جزاي اني مشيتك .. اخر المشوار إعْدامي ؟ .....................هديتك اجمل سْنيني.. وهاك اللي بقى والجاي . . اسافر في ضفاف الْجرْح والاحزان قدَّامي ......................اضيع بْعتمة اوجاعي ادوَّر وين هو مرساي . . يطيح مْن الوهن غصن السنابل محترق ضامي ......................يمرَّه طير أحْلامي.. ويبكي قمحه المرماي . . حطب فاس السنين العمْر ..طاحت سدرة أعْوامي .........................ذرتني الريح لاقْدار الغياب بْكوخي المنساي . . وقفت وْمابقى عندي سراج وْجفت اقلامي .......................جلست وْسالت عْيوني .. أغنِّي للزمن ذكراي . . بكيتك ..قبْل لا أجمع جراحي واحْزم أحْلامي ...........................ورحْت آجرَّ خيباتي ... وأهديها إلى منفاي . . ومريتك ..سقط غصْن السنين وْضاعت اقْدامي ...................مشيت ابْكي على عمري.. حزينه فاقده دنياي . / \ / \ آتمنى آن ترتقي لـ ذآئقتكم الشعريه لـآروآحكم السعآده .  |
|
التعديل الأخير تم بواسطة قيس ; 11-24-2012 الساعة 06:04 PM
|
|
11-28-2012, 06:30 AM
|
#4 | |
|
رد: ياحببيبي لو نسانا الحظَّ في درب الظلام
يعطيك العافية على جمالية طرحكـ الراقي ..~
رائع ما نسجه القلم من حروف |
|
 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
العرض العادي
