ابــــــــــي ابكــــــــــــــــــــــــي
أبي ابكي من الضيقة وابعزف للهموم ألحان
أبي اطلق مواويل الحزن واطرح دواويني
أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني
أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني
أبيهم يذكرون أني بدمعي صرتنا غرقان
أبيهم يعرفون الهم هوّ اللي يخاويني
أبي أصرخ وأبلغهم وأقول أن الفرح خوّان
يجي مرة معاي و هو بطول العمر ناسيني
أبي اترك لهم قصة وأخيّرهم على العنوان
يسمّوا "حزن "يحطوا "دمع"أنا ما عاد يعنيني
أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني
أبي شخص يجي يمي و يقفل للعنا بيبان
أبيه يكون لي خل على حزني يواسيني
أبيه لمركبي مرسى وأبيه لغربتي أوطان
أبي لامن ذرفت الدمع لينه لي يعزّيني
أنا ما أبيه يصبح ضلع أبيه يكون لي ضلعان
أبي لا من مشيت وطحت حط يديه في يديني
إلامن خانني التعبير أبيه يكون لي لسان
أبي لامن سكت ألقاه .يفهم من نظر عيني
أبي لا من تعبت وضقت لمّ الروح بالأحضان
أبيه يكون لي كتاب إذا ضاعت عناويني
أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني
أبي واحد ويسكن بي وابطرد لأجله السكّان
أبي يسكن وسط قلبي وعمره ما يخليني
أبي أشعل شموع الحب وبأعطي من الغلا بستان
أبي أهديه باقة وررررد ..مسقيها شراييني