يالطيف الـروح عاملنـي بلينـك
التغلّي صعـب والفرقـا فجيعـه

اذكر الماضي وحطّه نصب عينك
ولا تحمّلني بحمـلٍ مااستطيعـه

انت توأم حب قلبي مـن سنينـك
واتّفقنـا بالبساطـه والطبيـعـه

والغلا مايفصلـه بينـي وبينـك
خبرة الدكتـور عبـدالله ربيعـه

بس قلّي طول هذا الوقـت وينـك
ودّي اعرف وشهي اسباب القطيعه

كان ظرفك قاطعك ربـي يعينـك
عاذرك لاصار ماظرفك خديعـه

وكان ناسيني فديـن الله ودينـك
ماتمسّك غير في ديـن الشريعـه

بس انا ماني بلعبـه فـي يدينـك
واحٍـد بيبيعـنـي والله لبيـعـه