عرض مشاركة واحدة
قديم 03-29-2011, 11:57 PM   #1


الصورة الرمزية عشق الورد
عشق الورد غير متواجد حالياً

بيانات اضافيه [ + ]
 رقم العضوية : 1202
 تاريخ التسجيل :  Mar 2011
 أخر زيارة : 01-20-2017 (09:57 PM)
 المشاركات : 577 [ + ]
 التقييم :  486647778
لوني المفضل : Cadetblue
افتراضي عقبي عساك تعيش دوم بسعاده



ضحيت في حبك على شان دنياك
يمكن تحصل عقب عيني سعاده
من كثر ما احبك واقدرك واهواك
راضي فبعدك دام قربي نكاده
حاضر على امرك وانا ما اتعداك
مدام قلبي يريحك في بعاده
الله معك لكن ما اظن يخفاك
جرحي كبير وصعب والله ضماده
البارحه وامس وقبل امس وياك
واليوم تتركني طريح الوساده
اعاني جروح سببها سواياك
والليل عندي صار صعب رقاده
والله احبك واعشقك واتمناك
وما ابالغ ان قلت عشقك عباده
اذكر تراني عايش لك وذكراك
وحبك مع الايام يكبر وداده
انت الذي اخطيت واعلنت فرقاك
وسليت سيف الهجر قصدك سياده
فكر وشوف عنادك لوين وداك
ماهمك الا كسر قلبي وعناده
زدت الهموم وزدت حتى خطاياك
واصبحت بالفرقا مستعجل زياده
هذي وصية صاحبك يوم وصاك
خذها قبل يرحل وقبل ابتعاده
ماهوب انا اللى لازعل يطلب رضاك
الحق واضح مايبيله شهاده
ابيك تعرف فرق هذا وهذاك
وابيك تفهم فالبياض وسواده
هذا الوداع اللى تبي ابشر وجاك
اقولها من طيب قلب وإراده
الله يسهل لك دروبك ويرعاك
وعقبي عساك تعيش دوم بسعاده



 

رد مع اقتباس