همومي عرايا




خل الموآجع لا تعيد الحكايا

......................... الله عليم بخافي القلب وش فيه !

خل الحكايا في الحكايا شقايا

................................ و بنفسي ودآع بآخر الليل أببكيه

شفني .. تكلمت وفضحت الخفايــآ

................................. وكل القصايد لا اكتبتني تغنيه !

و شفني ... تكلفت ونسيت السوآيـا

............................. بس البلا ما يجرح إلاّ معنيّه

كني طريح للجروح ..الصفايـآ

............................ كل شئٍ يهون إلا الصفايا .. يآ ويليه

هذي يابو تركي همومي .. عرايا

.................................خذها عسى الله يفرج الهم و ينهيه

ليلي طويل و عايش بالنوايا

......................... همّي كلام الناس .. وحبٌّ اداريه

حبي نسيته أو نساني .. كفايا

............................ ذآق المحبة بالغرابل و يكفيه

واللي يزود الطين بلّه .. هوآيــا

........................... ما ينثني بس أكسره و دوم أخليه

هذي بعد خذها زيآدة .. عنيا

............................ شوق الطفولة و اشتياقي للياليه

والله يابو تركي سمعت الوصـآيا

............................... واللي يدينه تلمس النار تكويه

واللي يتوبْ , الله يزيح الخطـآيا

..................... عنّه و يحسن مآ عمل من مساويه

والله كتب .. لازم نذوقْ الهدايا

................... حلو و علقم! و الخلايق تعانيـــه

وهذي حكايا من حكايا المرايا

............................. ترسم لي الدمعْ فِ عيوني و أخفيه

وخل الموآجعْ لا تعيــد الحكيآيا

.......................... والله عليمْ بخآفي القلب وش فيه !


م|ن


بــنــت الـنــور