يسعد صباح التوت ياقاطف التوت
عطني عبير الحب واهديك عِناب
يازمهرير الشـوق لبسني الكوت
بغيابها برد الشتاء صار له ناب
شبهتها النعناع في صبح بيروت
عليه قطرات الندى تبكي احباب
ماهي نتيجة جمع فضه وياقوت
هذي خلاصة خلط مالذ أو طاب
تشبه عسل دوعن إذا كان مفتوت
يعطي قطع سكر تحليلي اعشاب
ناوي أنا باكتب لها داخل الصوت
لو ذاب فيك الشعر خليه ينساب
يعني بيجمع حالي الريق بسكُوت
ويتوه برضابك ولو غافلك ذاب
واذ عطش زيديه ريقك له القوت
مادام باقي له عمر زيدي اكواب
صبح وعبير وسالفة حب وبيوت
مع رذاذ الشوق في وقت جذاب
نستني الغيبه وقمت اجمع التوت
وانا بغيت اكتب لها كلمة عتاب
مما راق لي..