قضت كل السوالف وابتدى ثلج الوصال يذوب =
سروا حتى معازيب الضيوف .. وطالت الونة

سريتك يالظلام اللي تحَسب ان القلوب قلوب =
عرفت امءن النجر وشلون يصول امن الوجع رنة

تمادت مثل احلامي نست أن القدر مكتوب =
تكفّن شوقي بصدري عسى مثواه للجنة

احبك لو عجزت القى لوصلك فالحياة دروب =
احبك لو حكيم العشق مات وما صدق ظنه

كتبتك للبكا سامر .. وهلت دمعة المسحوب =
رسمتك بالغلا طفلٍ يصيح وقلت له : كنه

لعنت ابو ابليس وقلت للظلما كفاك ذنوب =
ترى غسل الغرام إن مات قبل الدفن ذا سنة

نويت اكسر مجاديف الثواني وانصر المغلوب =
نويت اسرق من الناي الحزين جروحه وفنه

تعبت السهر والعشق في رجوى وفا المحبوب =
تعبت امءن التغلي والتمنع والعطب منه

تعبت اتخيّلك شعاع شمس وما وراك غروب =
تعبت اقول انا ندِيمك وغيري ما علي منه

ندهتك والتفت يمي سناك وقلت له يادوب =
نفح ريحك وشميتك الين اشرقت بالخنة

طلبتك .. لا نخيتك لا تمنيتك وانا منهوب =
تعال وكل ماودك تهني بالعمر هنة

قضت كل السوالف والغلا يا سيدي مشبوب =
متى ودك تجي يمي وتلحق آخر الونة