يا راس .. لا ترجـي رفيـقٍ يعــزك
إن كان ما عزيـت نفسـك ( بتنهـان )
قام الردي يجسـر عليــك .. ويـدزّك
دارت عليـك اليوم دورات الأزمــان
الناس ما تعطـف عليـك و ( تــرزّك )
إرفع مقامــك وإرتفــع يا كحيـلان
والموقف اللي هـزّ قلبـــك وهــزّك
لا تلتفـت للي غدى ماضــيٍ كــان
يحزّ بالخاطــر وأنـا أدري يحــــزّك
إنك تشـوف الذّل من ( أقرب ) إنســان!
إصـبر على همومٍ كثيـــرة تلـــزّك
وقّف على حيــلك ولو كنت ( تعبــان )
عــاند زمانك فـي طمــوحٍ يكــزّك
لو قالوا : إن معــاند الــوقت خسـران
قلـوب خلــق الله بعضهــا تعـــزّك
وأكثر من اللي تعــزّك قلـوب ( عـدوان )
يعني اليا من طحـت ... محــدٍ ( يــرزّك )
إن كــان ما رزّيت نفســك بتنهـــان!