هــم الـقـلــــوووب
الله على اللي فرق قلوب الأحباب
وخلى الهموم اتلوع قلبي وقلبه
مافاد لوقلنا حبايب واصحاب
ولافادناكلمة يحبني وحبه
اليوم حطوا دونه القفل والباب
وصكوا الطريق اللي لقلبي تجيبه
يالله يا للي موعد الخلق بحساب
تجعل حياتي دايم الدوم قربه
انت الكريم ولي امل مابعد خاب
وماخاب عبدٍ يدعي اليوم ربه
ياخلي اسمعني ولا تقول كذاب
الكذب خيبه ولا مشينا بدربه
القلب لك وحدك وفي حبك انصاب
وماغير قلبك ياحبيبي سكن به
ياحبي احذر كل حاسد ونصاب
قصده يزيد القلب هم وكأبه
خل الحسود يموت هم وياكل اتراب
وانا معك مابين حب ودعابه
بقلمــــــي