كيف اموتك جرح واحيا بك جروح
كيف المك شوق وارجع انثرك

كيف اصور للجسد نزعات روح
كيف انامك ليل وارجع اسهرك

المحاجر من لهاملح (ن) يفوح
والحنايا قوتها من سكرك

عجزت افواه السوالف لاتبوح
تلبس ايام المحاسن مظهرك

نامت عيون القصايد وين اروح
الحناجر صوتها مايعذرك

كل ماحسيت باطيافك تلوح
في شتات العمر قمت ادورك

يعني اشيائك تغني للوضوح
ياسنين الوقت كيف اصورك

الجنون يحبني اهدم صروح
واترك العالم وانام بمحجرك

وانثني في صمت اهااتي وانوح
وارتمي باحضان وقتي واشكرك

الذنوب اخوان وايامك تروح
طشها للريح من خلف ظهرك

كان موتك جرح احيا بك جروح
واجمعك في شوق وارجع انثرك