ياحبيبي والبــــكا هم المحاجر
بالدموع ابرد مناديلي كويته

آه من صوت ترك كل الحناجر
وانتثر في دفتري شعر وقريته

كل هذا وانت قاسي قلب هاجر
ماهداك الله واخذت اللي عطيته

صاحبك لين حشا والحسن فاجر
من لمحته قلت جاك اللي بغيته

من غرامك في غلاك ارحل واهاجر
وان ضواني ليل من يمك سريته

لاتــــــــزيد طعوني أوجعت الخناجر
ما بــــــــقي عرق بقلبي ماثنيته

لو عيوني غيــــــم واهدابك محاجر
ماظما رمشك تحت دمع بكيته