الحلقة العاشرة
- اذا انا شاري رجال ..
- لا هنت .. وانا موافق الله يطول عمرك ..
- على بركة الله .. ( وقال وهو يبتسم ) انا راح ابلغ بنتي / الهام بقرارك .. ترى على فكرة هي تنتظر على أحر من الجمر
- الله يرفع قدرك وقدر بنتك
- طيب اليوم ابيك تزورني في البيت .. اقعد مع البنت .. شفها زييين وهي تشوفك زين وتكلموا مع بعض واتفقوا .. زيييين
- خلها يا طويل العمر بكره
- بكره .. بكره على بركة الله
انتهى اللقاء
طلعت من عند الشيخ .. وانا غير مصدق كل الاحداث .. كييييف ؟!
انا اتزوج بنت الشيخ / فهد بن سعد .. كيييف ؟! وليييش انا ؟! وبعدين ليش الشيخ هو من يبحث عني كي اتزوج بنته ؟!!!!.. انا اشوف نفسي لا احمل ميزات تميزني عن الاخرين حتى يصير كل ما صار .. وبهده الطريقة ؟؟!!
الاسئلة والاستفسارات اجتمعت في رأسي .. !! حتى اني تعبت ذيك الليلة .. لم استطع النوم
بكره انا رايح اشوف بنت الشيخ على الطبيعه .. راح اقابلها .. اكلمها .. يا ناااااس واحد يصحيني من النوم .. اكييييد انا احلم ..
جلست في فراشي افكر بالاحداث من بداية اعلاني عن البحث عن وظيفة حتى عرض الشيخ / فهد عليّ زواج بنته .. وقعدت افكر في تسلسل الاحداث والمواقف ومرت عليّ الهام ومزحها بالسيارة وطريقة اسلوبها ..!!!!
قلت في نفسي : شكلك استعجلت يا راكان في الموافقة ..البنت ما تصلح لك .. البنت شكلها منفتحه ومتربية في الخارج وانت انسان مختلف عنها في التفكير .. وبعدين البنت غنية ولها متطلباتها .. وانت انسان على قد حالك .. يا والله البلشه .. كيف انا وافقت على مثل هذا زوااااج ؟!!!
سبحت مع التفكير والخواطر .. وفي الاخير اقنعت نفسي ان بكره لا يمثل سوء وضع النقاط على الحروف مع الهام وأبوها .. وقررت بانه يجب ان اقول ( وبكل شفافية ) ما يدور في خاطري عن كل شيء .. ولكن بأسلوب وطريقة لا تحرجهم ولا تحرجني .. وذلك بإظهار عدم التوافق في الحالة الاجتماعية والحسب والنسب فيما بيننا وكذلك في مستوى المعيشة .. ولازم أقول ان هذا راح يترتب عليه اختلاف بعد الزواج .. لازم تكون الصورة واضحه للشيخ / فهد ولبنته الهام ..
نمت ذيك الليلة .. ولا ادري كيف نمت ومتى نمت !! استيقظت الصباح مع آذان الفجر .. أخذت دش .. ورحت للمسجد .. صليت ركعتين السنة وكنت أجاهد نفسي حتى استطيع الخشوع في الصلاة .. كانت الأفكار والخواطر تلح عليّ إلحاحا للمرور في ذهني .. بعدما فرغت من الصلاة رفعت يداي بالدعاء .. بعدما أديت صلاة الفجر .. جلست في مكاني افكر بالموضوع بعقلانية .. وانتهيت الى قرار واحد فقط