ياطير يا طير ياطير السعد يا للـي تـرف الجنـاح

لا واهنيـك ليـا ضاقـت عليـك الأرض خليتـهـا

وإن رحت وإن جيت ياطير السعد تسبق هبوب الرياح

وأظن ما فيه ديره فـوق وجـه الأرض مـا جيتهـا

ما نته بمثلي تجي وتروح ما يصعب عليك المـراح

لكـن ياليـت جنحانـك مـعـي ياطـيـر ياليتـهـا

كله على شان ازور اللي رماني بالعنـا واستـراح

اللـي علـى شانهـا الاقـدام عنتـنـي وعنيتـهـا

في ماض الأيام أشوفه قدم عيني فالمسا والصبـاح

واليوم حتى العلوم اللي تجينـي عنـه مـا أوحيتهـا

وليا نشدت العرب ما حدن يعلمني عنـه ويـن راح

وأتعبـت نفسـي وبالنشـدة كثيـر النـاس بذيتهـا

لا ووجودي على شوفتك مـره يـا ظبـي البـراح

ياللي على شانـك العبـره علـى الخديـن هليتهـا

يا بو عيونٍ هدبها يـزرق العشـاق زرق الرمـاح

ذبحت روحي على كفـك برمـش العيـن واحييتهـا