طيفك مسامرني وتصبح على خير= ماتدري أنك عندي أغلى الطوايف
ماخطيت في حقك وسقت المعاذير= ومادامني ماخطيت ويش أنت شايف
قلها على وضح النقى دون تبرير= وأكيد مابيني وبينك كلايف
أن كانها بالحب والله ماغير=حبك سكن بين الضلوع النحايف
وان جيتني تلقى معزه وتقدير= وان غبت عني ذقت مر الحسايف
ياما علشانك طويت المشاوير= وياما رفعت الصوت فوق النوايف
أمرك علي مطاع ولعينك يصير= لو سقت روحي جعلها لك خلايف
يامعطي الدنيا بشوفك تباشير= العمر رحلة والليالي ردايف
عبرت لك من صادق الحب تعبير= وكتبت لأجلك من جداد الطرايف
هذا هو إحساسي الأول والأخير= خليت لك شرد القوافي عسايف
قلبي علشانك يحب المحادير=الغرب صار الشرق والشرق طايف
بحر الخليج اللي يدف البوابير= شرعت له باباً بقلبي مسايف
وغصون قلبي لايفتها المعاصير= وربيعها بين البحر والحتايف
في دوحةُ في جوها يصدح الطير= مصياف قلبي غير كل المصايف
الحص و اللولو وزهر النواوير= وتفاحتينً مع بعضهن ولايف
من شانه أزعل وأرخص الروح وأغير=ولاشفتها ما للسعادة وصايف
أعيش معها مبعدً كل تفكير = صفحة غلاك تكف كل الصحايف