01-02-2012, 06:18 AM
|
#1 | |
 
|
ياونيس الليل قل لي ليه عن عيني تغيب
((** ياونيس الليل قل لي ليه عن عيني تغيب **))
ياونيس الليل قل لي ليه عن عيني تغيب توني بالعين شفتك دون خبرا البردويل منزلك بالطبق وأدري مأنحدر وسط الشعيب وانت أقرب من خيالي يوم أطالع لك وأخيل ولوعرفت اللي تشوفه كان كسّرت الصليب قبل أشيعك بجنازة كافرن ولا قتيل لين تنطق بالشهاده ياسفيه الجن طيب مؤمنٍ بالله واحد لاحشى ماله مثيل من قبل شمسك تغيب وتشرق الشمس بمغيب عقبها مافيه توبه لو عملت المستحيل الحلا سكر بدمي ماارتفع ياكود طيب سلسبيل الشعر فيني ذاك أعذب سلسبيل ياونيس الليل مثلي مااعتقد راسه يشيب من جنوني قمت أصدق فاقد العقل وهبيل عند نفسه يوم غنَا مثل صوت العندليب وعند نفسه كل خطوه تبتدي بألفين ميل ياعسى ذيك السحابه ماسقت دار الحبيب موحشه والليل مبطي مازبن فيه الدخيل والأكيد اني معاه ومحتمل شي ٍ رهيب والأكيد انه ركس بي وسط فرعٍ بالمسيل والأكيد انه يصوب للرجوم ولايصيب والأكيد اني مشيت ومنجم خلف الدليل والأكيد اني معاهم واقف ٍ كني غريب والأكيد انه تناثر جمرنا وسط الشليل ياونيس الليل شفته صاحبي وشلون ذيب صاحبي يوم اتضح لي مثل خبرا البردويل تحيـــــــاااااتــــي العـــاااطـــرة ((** أبـــوغــــــــــــــلاااااااااء **)) |
|
التعديل الأخير تم بواسطة ابوغلاء ; 01-02-2012 الساعة 06:30 PM
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
العرض الشجري
