عمتي مزنه شخصية أسطوره من العالم الثالث ههه

قبل القراءة : هذي قصة من الخيال يعني اوب صز ولاحد يجي يقولي مهما كان هذي عمتك
سلام من الله عليكم من الله ورحمة وبركاته


عمتى مزنه شخصية أسطورية من العالم الثالث

عليها تصرفات مره تقول هذي رجال .. ومره تقول انثى ولا كل الاناثي
حاولنا نصدرها للصين عشان يركبون لها ريموت بس رجعوها الصين بكرتون . يقولن عجز علمنا التوصل لحل لهذا الكائن البشري ..

جيرننا حاطين عندهم لمبه حمرا موصله لبيتنا عشان عمتى مزنه لاجتها الحالة بس نضغط زر الانذار تشتغل اللبمه الحمرا عند جيراننا لكي يتأهبون لهروبنا من البيت ويفتحون الباب ونجيك حنا وواهلي نمشي ثلاث تلاف منحاشين للجيران

طبعاً عمتى مزنه طولها متر وثلاقين سانتي وعرضها متر لانها مؤخراً بدت تكبر بالعرض تشوفها تقول كرتون غساله أم عصاقيل
شوفو صورتها


8
8
الي شاف هالصورة اللي فوق يعتبر نفسه شايف عمتي مزنه
جدايلها .. لها جديلتان وحده طولها متر ووحده طولها نصف متر .. وهذا ماسبب عدم توازن عمتي أثناء المشي .. يعني لاصارت تمشي تقول كنها يوسف الثنيان لاصار يفرفر بالكورة

البشرة : بشرة عمتى لو تشوفها لاتحمل أي معنى من معاني الصفاوة والنقاوة .. يعني حنا طلبنا من البلدية لاجو يزفلتون شارعنا يمرون على وجه عمتى يسوون له عملية زفلته ورصف ..

وبالتأكيد أنها كل صباح تغسل وجهها بخل

تزوجت حتى الان 19 رجل منهم 8 ماتو بسكته قلبيه و5 بمستشفى الصحة النفسية والباقين الحمدلله قرينا عليهم وصحتهم في تحسن ..

لاصارت تمشي بالحارة والشارع مليان من الاطفال يلعبون ويمرحون . بمجرد مشاهدتهم لعمتي وبضرف ثلاث ثواني تشوف الشارع فاضي ..
مره من المرات بمجرد أنها شكت أني سارق بكلتها الفسفورية .. مقدر اقولكم وش سوت فيني لاني ماصحيت الا بغرفه خمسه عظام ...

مره من المرات .. طلبت مني أوديها السوق .. طبعا وبكل ابسامه مني قلت ليش ماوديك انتي عمتى منو اغلى منك عندي .. <-- طبعاً مو بكيفي غصب

وديتها للسوق وقلت يالله انزلي .. قلت وانت منت نازل معي قلت لا مايحتاج قالت يعني ماتخاف علي .. الله اكبر بالله عليك من يخاف عليك انتي تخوفين بلد يعني الحين معتبره نفسك من الحريم يعني
نزلت معها ويالله الحق عليها عليها سرعه غريبه مدري ليش تمشي الف بالسوق ياعمه هدي وش عجله عليه قالت انطم امش وانت ساكت لافرج عليك كل اللي بالسوق

قلت طيب شوي شوي علي .. ومشيت معها ودخلت محل ملابس نسائية .. انا شفت محل ثاني عطورات قلت بدخل ادور على عطر لين تخلص ..

وفجأه سمعت صراخ رجاجيل
وطلعت ولامن المحل اللي فيه عمتي ودخلت لقيتها ماسكه اثنين يمانيين واحد غايلته بجديلتها وواحد واطيه في بطنه
وش فيه ياعمه وش فيه .. قالت هذا الوقح يقول تفضلي ياعمه وانا منيب عمته عمت عيونه
لاحول والله تعوذي من ابليس ويالله مشينا .. نروح محل غيره ,,

طبعا سمعت فيما بعد ان هاليمانيه الاثنين اخذو طياره لليمن خروج بدون عوده

ودخلت عمتي محل العطورات ياااي والله منتب بسيطه عطورات وحركات واخذت تبخبخ من هالعطور لين قالت بس وطلعت .. وهذا حالتها حتى لاجينا نروح عزايم ومناسبات مرينا بها لمحل عطور تعطرت وطلعت ,, تقول وشوله نشري وشوله الخساير
وحنا نتمشى بهالاسواق مادريت الا عمتى طلعت الجوال ودقت مدري من عليه وسكرت ووقفت معصبة

وش السالفه ياعمه قالت انثبر الحين اعلمك ..

خمس دقايق والا الشرطه طابه علينا وش السالفه ؟؟
وقامت عمتي تأشر لهم تعال ياعسكري تعال .

جو العساكر انتي اللي بلغتي قالت ايه شفت هذاك الشباب تراه يغازلني

ولافيه شاب حلو متكشخ قالو له الشرطه ليش تتحرش فيها
قال والله مالي دخل فيها انا جايب اهلي والله ماقلت لها شي ابد وعمتي جالسه توزع ابتسامات
يعني من زينك ياعمه نعنبو دراك شايفه شكلك تقولين فقمه مضيعه بلنتي

قالت لا هو مغازلني وابي حقي منه يعني يحسب بنات الناس لعبه

ياعمه تعوذي من ابليس قالت أبداً .. ولا اسامح ولا شي خلو هالشباب يتأدبون

جو ناس وقالو يابنت الحلال تنازلي قالت كم يدفع

يابنت الحلال انتي كلك ماتسوين ريالين .. وشو كم يدفع .. المهم انا عمزت للشرطي يعني افهمها ورح ترا هذي ماعندك أحد .. واخذت انا عمتى وجريتها للسيارة وركبتها .. وقلت لها اسمعي مشاكل مانبي .. وبعدين انتي من زينك يوم ان الشباب يلاحقونك انتي شايفه نقابك تقولين كنك تويقين من عند كفر كرولا ..

قالت ياربي انا وش اسوي كل ماروح مكان الشباب مايخلوني بحالي <-- والله ماتحقرين نفسك يامريم نور .. انتي لو شافك واحد جاي يغازل ترك المغازل نهائياً وترك الدنيا كلها وعاش بالمسجد
اذن المغرب .. وسكرت المحلات وراحو الناس يصلون ولافيه بسطه حقت شايب مسيكين .. قالت عمتي إلا وش رايك نسرق بسطته وونحاش ناظرتها قلت من معي ؟؟ نعنبو دارتس استحتي على روحك تراك حرمه كبيره وش هالكلام .. انتي من وين جبتي هالكلام وسرقات ومدري ويش

قالت مناك بس تبي نسرق والنص وبالنص ولابكيفك

قلت اقول يالله السيارة وعيت تركب وقالت بسرق يعني بسرق لي سنين اتابع افلام خلني استفيد لو مره من اللي شفت .. من عمليات السطو .. <<-- يلعن ام المراهقه

قلت لها بكيفك وارجعي بتكسي قالت يالله انقلع
رحت للبيت .. وبعد ساعه ولا التلفون يرن .. رفعت السماعه ولا الشرطه قالو تعال للمركز
جيت لمهم ولا مثل ماتوقعت عمتى المصونه موجوده ومتهمه بتهمه اختلاس

وش السالفه ولا فيه الشايب راعي البسطه المسكين وراسه يصب دم

قالو عمتك سرقت بسطة هالمسكين ومن الغبا سرقت بسطته كلها وجته بعد شوي قالت له معي بضاعه تشتري <<-- يلعن ام الغبا يعني ماراحت الحراج ولاسوق ثاني تبيعه جايه لنفس راعي البسطه

ويوم عرف بضاعته وقالها انتي سارقتني اخذت خشبه ومحطته مع راسه لين داخ وانحاشت

ولازم تدخل سجن النساء لين الشايب يطب وبعدين تاخذ حكم

ودخلوها سجن النساء وزرتها بعد اسبوع ولاهي صايره رئيسة المسجونات فارضه دكتاتوريتها على السجيان وصايره رئيسه عليهم واللي ترفض تلعن امها
ومسميه نفسها ( قرصانة القبور ) هذا اللقب حقها بالسجن
وبعد ماطاب الشايب تنازل جزاه الله خير ...
وإلى يومكم هذا مازلنا نعاني منها ومن مشاكلها

النهاية .. أتمنى تعجبكم


م
ن

لبيك عمتك هذي ما تبي لها زوج
عندي عمي هادي والله تقول مفصلين لبعض
خلنا نجمعهم ويابخت من جمع شيطانين بالحلال
تحياتي لك يا عزيزي
ودمت بخير وعافيه

....

ههههههه
يسلموووع الطرح الظريف ..||~
مَ نَنِحَرمٍ..||..

<IFRAME height=250 src="http://im20.gulfup.com/2012-05-23/1337728630772.swf" width=600 quality="high" loop="false" menu="false" TYPE="application/x-shockwave-flash" AllowScriptAccess="never" nojava="true"></IFRAME>

اقتباس : المشاركة الأصلية كتبت بواسطة الحريصي [ مشاهدة المشاركة ]

لبيك عمتك هذي ما تبي لها زوج عندي عمي هادي والله تقول مفصلين لبعض خلنا نجمعهم ويابخت من جمع شيطانين بالحلال تحياتي لك يا عزيزي ودمت بخير وعافيه

ههههههه اسلم يا اخي الغالي الحريصي
صراحه عمك هادي هذ ما ضن يقبل خاصه ان كان باقي من مولين ههههه
تعرف البسه شعبي على طول السنه ولافكروين مزنه وسلكها ههههه
اشكرك وحييك على تواجدك يا لطيب الغالي الله يحييك
اخوك
لبيك

اقتباس : المشاركة الأصلية كتبت بواسطة الحياه حلوه [ مشاهدة المشاركة ]

.... ههههههه يسلموووع الطرح الظريف ..||~ مَ نَنِحَرمٍ..||..

زارتنا البركه سيدة المنتدى لاولى الحياه حلوه
مايكفي ا قول مرحبا الف اقول مرحبا مليون
وعمتي مزنه ترحيب 75الف هههههه على شان خطها 80 ههه مو110 ولا220 ههههه
شكرا الله يحييك ويغليك
لبيك

ههههههههـ ههههههههــ

يعطيك العافيه يالبيك

هناك اناس رسموا في قلوبنا

وسام لايتغير بتغير الاحوال فهو ثابت ثبوت الجبال

ومهما هبت العواصف والرياح فهو راسخ لايتغير ولايتبدل بتبدل الزمان

فهى كالعقيدة الراسخة في النفوس

والجذور المتشعبة في الاعماق

مرحبا منتهى الرقه
بارك الله فيك على هيك مرور يا هلاويامرحبا
تحياتي
لبيك

وااي وااي ميته من كثر الضحك خيي لبيك شو هالشخصيه هااي الله لايبيلناا بهيك حرمه ههههه

بالمممره رااقت الي عمتك شو هالثقة الي بالنفس وعلى ايش هالعدد الهائل من الرجال الي تزوجتهم

يخزي العين اكيد نصفهم عميان هههه والنصف الثاني اكيد مختلين عقلياا ههههههه

قصة جميلة ورائعة بالممره تعيش وتجيب الناا ماننحرم من كل جديد الك ياخيي

يازين ها المرور لاكثرمن رائع
ملكة الذوق ولطيب والكرم قمرالخليج ورد الجوري
يامرحبا انا عجبني كثيرردك الجميل والكلام العسل الذي اسعدني
كثيرالله يوفقك تحياتي
لبيك