02-28-2010, 02:46 PM
|
#1 | |
 
|
مــــــــــــــــواقفي مع نغمة جـــــــــوالي
 والصلاة والسلام على أشرف الأنبياء والمرسلين ... أكيد كل واحد منا عنده جوال وأكيد كمان حاط نغمة على ذوقه بالنسبة لي اول ماحصلت على الجوال كنت اقلب في النغمات واشوفها كلها حلوووه وأحتار أيش أختار <<< لاتلومونها من الفرحة خخخ ولا وكمان كنت أخصص نغمات طبعاً ماطولت على هالحال قلبت بين النغمات وأخترت نغمة مثل الجرس ( رنين عادي ) وكنت مرتاحة نفسياً لأسباب كثيرة لكن سبحان الله مع أختياري للنغمة تعرضت لمواقف كثيرة إلى الآن مو لاقيه لها تفسير حأذكر لكم كم موقف ( الموقف الأول ) مرة عزمتني وحدة من قريباتي وفي نفس الوقت بتعرفني على صاحباتها رحت وجلسنا جلسة حلوه رن جوال وحدة منهم وكانت النغمة أغنية والثانية موسيقة وحتى قريبتي اغنية في نهاية الجلسة رن جوالي ( ري ري رينق ... ري ري رينق ) <<< نغمة جوالي خخخ لاحظت الكل أستغرب بعد كم يوم من اللقاء كلمتني قريبتي وقالت صاحباتي حبوك ووو ومن هالكلام بس أستغربو نغمة جوالك قلت ليش ياحلوها أيش فيها قالت يقولون ماتوقعناها دفشة وماعندها ذوق قلت اللحين نغمة خلتهم ياخذون الفكرة هذه الحمد لله ( الموقف الثاني ) زارتني وحدة من صحباتي ووقتها كنت مغيرة عن جوالي القديم وأشتريت واحد نعوم نسائي وأول ماشافته انجنت علية ورن الجوال في يدها ( ري ري رينق ... ري ري رينق ) <<< طبعاً مهما غيرت جوال أبحث عن نغمة جرس وأحطها قامت رمت الجوال علي قالت والله ماتستاهلين جوال اللحين غيرتي الجوال والنغمة نفس النغمة أنت متى تتطورين وأعطتني محاضرة طويله عريضه ( الموقف الثالث ) هذا الموقف هو اللي شجعني أكتب الموضوع كنت رايحة لعيادة عندي مراجعة والقسم كان نسائي مغلق حتى الأستقبال نساء المهم جلست في صالة الأنتظار وطول الوقت جوال موظفة الأستقبال يرن وكان أغنية غربية المسجد يأذن للمغرب وجوالها طول الوقت يرن غطى على الآذان وبرضو جوالات الباقين ماتبعد عنها إلا من رحم ربي بس مو جرس لا مثلاً آذان أو تكبيرات العيد المهم رن جوالي ( ري ري رينق ... ري ري رينق ) <<< شكلي أزعجتكم خخخ وحدة من الأخوات الله يستر علينا وعليها لما سمعت جوالي غطت وجهها ولما شافتني طلعت الجوال من الشنطة جلست تضحك قالت لي الله يهديك هذه نغمة على بالي رجال دخل عندنا بصراحة فاجأتني وغيرها الكثير من المواقف على الرغم أن مستوى الرنين واااطي يادوب أسمعة حتى كانت وحدة بتتبرع علي بنغمة كانت موسيقى لمسلسل سنوات الضياع تقول مميزة مافي مثلها <<< عجباً وإن شاء الله أكون خفيفة عليكم في موضوعي وأنتظر آرائكم  |
|
هناك اناس رسموا في قلوبنا وسام لايتغير بتغير الاحوال فهو ثابت ثبوت الجبال ومهما هبت العواصف والرياح فهو راسخ لايتغير ولايتبدل بتبدل الزمان فهى كالعقيدة الراسخة في النفوس والجذور المتشعبة في الاعماق 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
