11-05-2013, 01:29 AM
|
#20 | |
 
|
رد: شاب يبحث عن وظيفه
الحلقة 13
- كييييف !! انت تتوقعين اننا ما نتزوج - مدري عنك ؟! انت اللي تقرر .. انا وابوي شارينك ( قالتها وهي تبتسم ) ( الظاهر اني نسيت عمري بعد هذه الكلمات وهذا الاسلوب ) - وانا بايعك نفسي بلا مقابل .. انا شكلي حبيتك من اول نظره .. الآن بس اقتنعت بان فيه حب من أول نظره - اقول خل عنك البكش .. ترى أعرفكم يا الشباب .. بس كلماتكم حلووووه .. وبعد الزواج الله يعين ( استمر الحديث .. ونسيت نفسي اني في بيت الشيخ / فهد .. ونسيت اني اكلم بنت غريبه عني .. فعلا هي استطاعة ان تشعرني بأنني اعرفها من زمان من خلال التوافق في الأفكار والقدرة على الحوار ) بعد لحظات دخل الشيخ / فهد وقال - الهام .. - سم .. الله يطول عمرك - عمك / محمد عند الباب -ابوووي وش جابه الحين -انا قلت له كل التفاصيل .. وقلت له ان فيه واحد متقدم لك وبغيته يقابل ولدي / رااااكان - اوووووف يا ابوي .. مهوب وقته - اقول .. عيب يا بنت .. ادخلي داخل .. خليني اقلط عمك - حااااضر سعادة الريس ( قالت هذه الجملة بأسلوب رااائع مع حركة عسكرية كتحية سلااام عسكري) ابتسم الشيخ .. الهام تودعني - يا الله راااكان أشوفك على خير .. على فكرة ما قلت لي وش رأيك فيني ( انحرجت من السؤال قدام أبوها ) - الله يحفظك من كل عين - يعني حلوووه ( لم استطيع التعليق .. ولكن في نفسي قلت اذا انت مو حلووووه اجل مين الحلوووه ) ابتسمت .. والهام تهم بالخروج .. وعند الباب التفت وقالت - مع السلامه رااااكان - مع السلامه بعد لحظات محمد اخو الشيخ / فهد يدخل ويسلم سبق اني قابلته في بعض المناسبات واعرف انه الأخ الأكبر للشيخ / فهد ولكن معرفتي فيه بسيطه جلسنا نسولف .. والشيخ / فهد كان يتكلم عني وعن صفاتي وأخلاقي وعملي .. وكان يمدحني بطريقة أحرجتني .. بعد لحظات رن هاتف الشيخ / فهد الشيخ / فهد يرد ومن خلال الحديث كأن الموضوع فيه حساسية .. استأذن الشيخ لإكمال مكالمته خارج المجلس .. جلست انا والأخ الأكبر للشيخ لوحدنا .. محمد يقول : - هلا بـ راكان .. كيف حالك - الله يسلمك ويطول عمرك - راااكان انت من وين - انا يا طويل العمر من .......... - يعني انت ترجع لاي قبيلة ( صدمني السؤال وتوقعت ان الشيخ / فهد قايل لـ خوه اني خضيري ) - يا طويل العمر .. انا خضيري ما اني قبيلي !! - كيييييف ؟! انت خضيري !! - اييييه يا طويل العمر |
|
(ابتسمت عندما لاحظت انى لم أحصل على ما أريد ~♥ وفهمت .. أن الله يريد لي ان أحصل على اكثر مما أريد ~♥ فصبرت و ابتسمت من جديد ~♥ ^_^ )
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
العرض الشجري
